Artwork for Senora delivery temp tb 1
Artwork for Astra Mayo top banner 2
Artwork for Alerics SBB 1 Artwork for new flash SBB 1

ගෙදර තියෙන දෙයින්, ගෙදර ඉන්න ගමන් හදන්න.. රස වෑහෙන ක්ෂණික කෑම 5ක්

බලන්න.. නිතර දෙවේලෙ ගෙදර තියෙන දෙයින් හදන්න…

Posted by

බලන්න..

නිතර දෙවේලෙ ගෙදර තියෙන දෙයින් හදන්න කියාපු කෑම ජාති ටිකක්,

ඔන්න!

1. බ්‍රෙඩ් නගට්ස්

අවශ්‍ය ද්‍රව්‍ය: පොඩියට කපාගත්ත රෝස් පාන් 1/2ක්, බිත්තරයක්, ලුණු, ගම්මිරිස්කුඩු, කෑලිමිරිස්. 

මුලින්ම බිත්තරය කඩලා ලොකු භාජනයකට දාලා ඒකටම රස පදම බලලා ලුණු, ගම්මිරිස් ටිකකුත් දාලා පාන් ටික දාන්න පෙඟෙන්න. ලොකු වෙලාවක් නෙවෙයි, විනාඩි 10-15ක් වගේ. ඒ අතරට තෙල් තාච්චියකුත් ලිපේ තියාගත්තා නම් පෙඟිච්ච පාන්, කෑල්ලෙන් කෑල්ල දාලා රන්වන් පාටට බැදගන්නයි තියෙන්නෙ.

2. ක්‍රන්චි පොටෑටො බෝල්ස්

අවශ්‍ය ද්‍රව්‍ය: ග්‍රේට් කරගත් අල ගෙඩියක්, හීනියට ලියපු ළූණු ගෙඩියක්, ලුණු, මිරිස්කුඩු, පාන්පිටි මේස හැන්දක් වගේ, පොල්තෙල්.

පටන් ගැන්මෙදි අල ටික කූල්වතුර එකකට දාලා විනාඩි 5ක් විතර තියලා වතුර මිරිකලා ගන්න. ඊට පස්සෙ ඒකට ළූණු, ලුණු, මිරිස්කුඩු හා පාන්පිටි දාලා කලවම් කරලා විනාඩි 3-5ක් තියන්න. තියලා ඉතින් බෝල හදලා.. ගැඹුරු තෙලේ බැදගන්න!

3. පකෝඩා

ඔ්න කරන්නෙ කඩල පිටි කොප්පයක්, රුලං කොප්ප 1/2ක්, තම්බලා පොඩි කරපු ලොකු අලගෙඩියක්, කොත්තමල්ලි කොළ මේස හැඳි 2ක්, ළූණු ගෙඩියක්, ඉඟුරු, ලුණු, අමුමිරිස්, කහකුඩු තේ හැඳි 1/4ක්, තුනපහ තේ හැඳි 1/4ක්, සූදුරු තේ හැඳි 1/4ක්, මිරිස් කුඩු තේ හැන්දක්, යෝගට් මේස හැඳි 3ක්, වතුර කොප්ප 1/4ක්.

ඉස්සෙල්ලාම ලොකු බෝල් එකක් අරගෙන ඒකට කඩල පිටි, රුලං, පොඩිකර ගත්ත අල, කොත්තමල්ලි කොළ, හීනියට කපා ගත්ත ළූණු, ඉඟුරු, රස පදමට ලුණු, හීනියට කපාගත්ත අමුමිරිස්, කහ, සූදුරු, මිරිස් කුඩු, යෝගට් දාලා හොඳ හැටියට කලවම් කරන්න. කලවම් කරලා ඒකටම වතුර දාලා ටිකක් දියාරුවට මෝලිය අනලා විනාඩි 15-20ක් වහලා තියන්න. වහලා තියලා.. නන්ස්ටික් පෑන් එකක් රත් කරගෙන ඒකට අර මෝලියෙන් ටික ටික වත් කරන්න. වත් කරලා වහලා තමයි ෆ්‍රයි කරගන්න ඔ්න. බිස්කට එක වගේ රන් පාටට හයිවේගෙන එනකොට බාලා ගන්නයි තියෙන්නෙ.

4. ෆිෂ් කේක්

අවශ්‍ය ද්‍රව්‍ය: තලපත් හෝ කෙලවල්ලන් මාළු ග්‍රෑම් 500යි, ඉස්සො ග්‍රෑම් 200යි, සුදුළූණු බික් 4යි, අමුමිරිස් කරල් 4යි, ඉඟුරු, හීනියට ලියපු ළූණු ගෙඩි 2යි, ලුණු, ගම්මිරිස්, කෑලි මිරිස් තේ හැන්දක්, දෙහි ඉස්ම ටිකක්, කෝර්න්ෆ්ලා මේස හැන්දක්, බිත්තරයක්, තෙල්.

පළමුව.. මාළු සහ ඉස්සො ටික සුද්ද කරලා, හෝදලා පොඩියට කපන්න. කපලා එකට බ්ලෙන්ඩ් කරන්න. කරලා ඒකටම පොඩියට කපපු කරපිංචා, සුදුළූණු, අමුමිරිස්, ඉඟුරු, ළූණු, ගම්මිරිස්, ලුණු, කෑලි මිරිස්, දෙහි, කොර්න්ෆ්ලා සහ බිත්තරයත් දාලා ආයෙත් පේස්ට් එකක් වෙනකම් අනාගන්න. අනලා හැන්දකින් හරි අතින් වුනත් අවුලක් නෑ කෑලි කඩලා අරගෙන පොඩි රෝල්ස් හදා ගන්න. අන්තිමටම තියෙන්නෙ ඉතින් ගැඹුරු තෙලේ බැදගන්න තමයි.

5. බිස්කට් ක්‍රම්බ් කේක්

අවශ්‍ය ද්‍රව්‍ය: බිස්කට් කුඩු කෝප්ප 2යි, සීනි කෝප්පයක්, බේකින් පවුඩර් තේ හැන්දක්, බේකින් සෝඩා තේ හැඳි 1/2ක්, කිරිපිටි මේස හැන්දක්, පාන්පිටි පිටි කෝප්පයක්, ෆ්‍රෙෂ් මිල්ක් කෝප්ප 2ක්, වැනිලා තේ හැඳි 1/2ක්, කජු.

සාදන ආකාරය: බෝල් එකක් අරගෙන ඒකට බිස්කට් කුඩු, පාන්පිටි දාලා හොඳට මික්ස් කරන්න. ඊළඟට ඒකට සීනි, බේකින් පවුඩර්, බේකින් සෝඩා හා කිරිපිටි දාලා ආයෙත් කලවම් කරන්න. ඒ අතරට වෙනම බෝල් එකක් අරගෙන ඒකට ෆ්‍රෙෂ් මිල්ක් සහ වැනිලා දාලා මිශ්‍ර කරලා.. අර පිටි මිශ්‍රණයටම දාලා ගෑරුප්පුවකින් වගේ හොඳට කලවම් කරගන්න. අන්තිමටම ඒක අවන් ට්‍රේ ඒකකට දාලා තුනී කරලා, කජු ටිකකුත් අතුරලා සෙල්සියස් 180, විනාඩි 30-35ක් බේක් කරගන්න.

Leave a comment